FICHA TÉCNICA
|
Título orixinal:Twelve Years a Slave Ano: 2013 Dirixida por:Steve McQueen Duración:135 min. Nacionalidade: Estados Unidos Guión:John Ridley
(sobre a biografía de Salomon Northup) Reparto: Michael Fassbender, Chiwetel Ejiofor, Lupita
Nyong´yo,Benedict Cumberbatch, Paul Dano, Brad Pitt... SÍNTESE ARGUMENTAL |
É enviado a Nova Orleans,
onde o seu nome é substituído polo de " Platt". Pasa a ser
propiedade, tras a súa venda, de Wiliam
Ford, dono dunha plantación, que será
tan benévolo na vida diaria como pusilánime á hora de evitar inxustizas: a
intelixencia e habilidades de Salomon
espertarán a envexa de John Tibeats, un
carpinteiro branco que traballa tamén para Ford e que o someterá a unha
situación na que case perde a vida.
Ford
vende a Northup e o seu novo amo
será Edwin Epps, quen cre que o dereito para abusar dos
escravos está autorizado pola Biblia. A tarefa principal de todos os que
traballan na plantación Epps é recoller algodón .Unha escrava nova,
chamada Patsey, ten gran habilidade para
ese traballo e consegue exceder aos demais na cantidade de algodón que se
recolle diariamente. Epps elóxiaa con
frecuencia e crese o seu amo absoluto, violándoa cando lle vén en gana. A
esposa de Epps séntese extremadamente celosa
da atención que o seu marido prodiga á escrava, aínda que este a humille e a
maltrate sempre que se lle ofrece a ocasión.
Salomon consegue gañar algo de diñeiro tocando
o violín (regalárallo o seu primeiro amo) nunha plantación veciña. Co que
aforrou tenta que un empregado de Epps
envíe unha carta que el lle dá e que está destinada a Nova York, pero delátao
e Northup ten que empregarse a fondo
para evitar que o amo desconfíe del.
A vida segue adiante na plantación
e Patsey está tan desesperada polo abuso
do que é obxecto por parte do seu amo que lle comunica a Salomon o seu desexo de morrer. Un día no que
a escrava foi, na súa xornada libre, a visitar a unha amiga fóra da
plantación, Epps se enfurece e, alentado pola súa esposa, fai
que Salomon a azoute cruelmente cando regresa.
Mentres cura como pode á pobre Patsey,
Salomon traballa na construción dun pavillón cun carpinteiro canadense
chamado Bass, abolicionista e contrario á maneira de
proceder do amo Epps. Iso fai que Northup confíe nel e lle entregue outra carta
para enviar a Nova York pedindo axuda. Ao cabo dun tempo chega á plantación o
shériff local acompañado doutro home: trátase dun antigo veciño de Salomon, que recibiu a súa misiva e vén
rescatalo. Aínda que Epps se resíste a
deixalo ir e Patsey está angustiada ante a súa inminente soidade, Northup vaise inmediatamente. Despois de ser
escravizado durante 12 anos, Northup
volve á liberdade e é devolto á súa familia.
TEMAS
- A escravitude, con todo o que conleva: conculcación de todos os dereitos do individuo.
- A resiliencia humana (forza psicolóxica, intelixencia, bo uso dos recursos individuais para acadar un fin esperanzador) .
- O amor e a amizade como forzas positivas que empuxan ao individuo para seguir vivindo
PERSONAXES PRINCIPAIS
- SALOMON
NORTHUP: é o protagonista da película. Na síntese argumental vimos
xa os seus trazos máis característicos. Debemos subliñar que é un personaxe
totalmente humanizado: a súa imprudencia inicial (non desconfía da proposta
laboral dos dous descoñecidos), o seu afán por loitar fronte á adversidade ata
o final, a súa capacidade para usar o seu talento musical cando o pode
beneficiar, a ocultación de que domina a lectura e a escritura e a súa
compaixón por Patsey, que non lle impide
fuxir do inferno en que viviu, preséntano como un personaxe moi crible. É
indiscutible o seu papel de VÍTIMA dunha sociedade, a dos estados sureños, deshumanizada e egoísta.
A diferenza dos demais escravos, el foi libre anteriormente e iso faille ansiar a vida que perdeu. Esa actitude de loita non está presente nos demais escravos, que naceron baixo ese signo e cuxa incultura lévaos a crer literalmente as palabras do seu amo sobre a súa condición de orixe divina de escravos.
- PATSEY é o personaxe feminino máis destacado, por mostrar o trato inhumano, violento, humillante e tremendamente inxusto que recibían as mulleres escravas, quen vía incrementado o seu sufrimento co abuso sexual e a vexación psicolóxica.
- EDWIN EPPS, o máis marcado antagonista de Salomon, representa ao amo sureño, propietario de plantacións de algodón traballadas por escravos propios que non son máis que unha extensión das súas propiedades. O mal funcionamento do seu matrimonio, o consumo excesivo de alcol e a interpretación “persoal” da Biblia fan que proxecte a súa ira no trato cos seus escravos, sobre todo con Patsey, a quen utiliza ao seu antollo, provocándolle xa non só danos físicos, senón tamén psicolóxicos con graves consecuencias. É un personaxe terriblemente deshumanizado.
CUESTIÓNS
- Por que Salomon é levado a plantacións da zona sur de Estados Unidos? Resulta fácil entender que se vivise de modo tan diferente en dúas zonas do mesmo país? Que sucedeu nos anos posteriores con esta situación?
- É o mesmo ser un escravo que unha escrava
na sociedade da película ? Razoa a túa resposta apoiándote no papel de Patsey.
- Comenta a figura do primeiro amo de Salomon e compárao posteriormente co seu segundo amo. Explica que conclusión sacas.
- Que é o
que fai a Salomón loitar durante a súa
escravitude para reverter a situación? Todos os escravos loitan pola liberdade?
Explica de que recursos ou habilidades, algúns herdados do seu pasado, vai
valer para saír adiante e conseguir volver coa súa familia.
- O papel
de Bass. Paréceche lícito que se gañe a
vida traballando para xente como E.
Epps, cuxo modelo de vida el non comparte? Razoa a túa resposta.
- Comentario desta cita de Steve McQueen, o director da película, quen a pronunciou cando coñeceu a existencia dunha biografía real de Salomon Northup, tempo antes de rodar a longametraxe:
- En 12 años de esclavitud aparece a música Góspel. Resulta de interese conectar as súas orixes coa poboación escrava afroamericana.
- Comenta
a seguinte frase do protagonista da película. Despois de ver a película, crees
que o protagonista é coherente ao longo da súa historia con estas palabras?
Non quero sobrevivir, quero vivir.